Kolna kanchofo des les posts f LinkedIn dial Microservices "perfect", CI/CD bla machakil, w dok les diagrams li kaybano bhal ila nazlin men jenna. Fl3alam dial LinkedIn, kolchi ghadi kama anzala lkitab, wkolchi kaytebe3 "best practices" w hta wahed makayghlet.
Walakin, ila dwzti ghir nes nhar katgerer la production wla chi sprint, ghadi t3ref l7a9i9a: Peoduction mrwna.
Chnou hiya "Tkhwira"?
F darija, wbhal bzf dial lkalimat okhrin, Tkhwira/Tkhawer kaytjella fiha ibda3 had logha, kifch m3a lwe9t 7eydat 3liha lme3na l7erfi w welat katst3ml f aghlab lwe9t b ma3na majazi bhal bch n9olo lchihed matalan CHKATKHERBE9 !
Tkhwira hiya wahed tr9i3a technique fiha mayakfi men l ibda3 li tkhelik tfi l3afya. Hiya dak lmiddleware li deployiti fch chi service d AWS kiybda yhmaq 3lik. Hiya dak lproxy "provisoire" li khedam haddi 2 snin wli ta7ed mayz3em i9ereb lih. Hiya fen dyal "winging it" walakin b khibra li katkhllik tn3ass mrta7 blil.
3lach "GhiKankhewer"?
Ana Solution Architect o Tech Lead. Dwwzt ktr m 10 snin o ana kanbni des systems, kan optimiser les factures d AWS, o kangerer stacks d Node.js/Angular. O f had lmoda kamla, akter haja 3lmatni machi hia najahat—huma Tkhawer.
GhiKankhewer blassa dyal:
- LHaqiqa bla zwaq: Chnou kaytra mlli "clean code" kayteyer 3lik n3as.
- Pragmatic Wisdom: Tips 3la Node.js o AWS li ma ghadi tlqahomch f hta ktab d certification.
- Mindset d Engineering: Kifach t3ich bhad lmindset f kolchi men SaaS hta lbni d qntra fchi douar.
Ma kankhewrouch hit makan3rfoch. Kankhewrou hyt wa9i3eyin. Kan3rfo bli Tkhwira khddama f production hssen m diagram "perfect" li 3mmrou maynzel l2ard lwa9i3.
Mrhba bikom f GhiKankhewer. Ajiw nfhmou had lfilm mjmou3in.
